Daily worship at home Sanatan Dharma ka ek bahut important part hai, lekin bahut se log unknowingly choti-choti mistakes kar dete hai

✨ 7 Common Mistakes to Avoid While Performing Puja at Home 🪔

Ghar par niyamit puja-path karne se vaatavaran me sakaratmakta (positivity) aati hai aur parivar me sukh-samriddhi ka vaas hota hai. Sanatan Dharma me har choti-badi pujan vidhi ka vishesh mahatva bataya gaya hai. Lekin kai baar hum jaane-anjaane me aisi choti galti kar baathte hain, jisse humari puja ka poora fal praapt nahi hota. Is article me hum janege aisi hi 7 Mistakes to Avoid While Performing Puja jinko dhyan me rakhna har grahastha ke liye aavashyak hai.

1. Sahi Disha Ka Dhyan Na Rakhna (Wrong Facing Direction) Puja karte samay hamesha mukh (face) Purva (East) ya Uttar (North) disha ki taraf hona chahiye. Purva disha me mukh karke puja karne se buddhi aur vaani me teej aata hai, jabki Uttar disha me mukh karne se dhan aur samriddhi me vriddhi hoti hai. Kabhie bhi Dakshin (South) disha ki taraf mukh karke puja na karein.

2. Khandit Murti Ya Tasveer Rakhna (Using Broken Idols) Ghar ke mandir me kabhie bhi khandit (tooti hui) murti ya fati hui tasveer nahi rakhni chahiye. Khandit murtiyon ki puja karne se ghar me vasthu dosh paida hota hai. Agar koi murti khandit ho jaye, toh use kisi pavan nadi me visarjit kar dein ya kisi peepal ke vriksh ke niche rakh dein.

3. Basi Phool Aur Bilvapatra Arpit Karna (Offering Stale Flowers) Puja me hamesha taaze (fresh) phool hi arpit karne chahiye. Ek din purane ya murjhaye hue phool charhana shastron me varjit mana gaya hai. Dhyan rakhein ki keval Tulsi ke patte aur Bilvapatra hi aise hain jo kuch dinon tak basi nahi maane jaate, lekin baaki sabhi phool taaze hi hone chahiye.

4. Zameen Par Seedhe Baithkar Puja Karna (Sitting Without Asan) Puja karte samay kabhie bhi zameen par bina aasan ke nahi baithna chahiye. Bina aasan ke puja karne se paath aur japa ka poora fal zameen me absorb ho jata hai. Hamesha kusha (grass) ya un (wool) ke aasan ka upayog karein. Iske alawa aasan ko haath se uthane ke bajaye paon se sarkana bhi galat hai.

5. Deepak Se Deepak Jalana (Lighting Lamp with Lamp) Aksar log aarti karte samay ek burning deepak se doosra deepak jala lete hain. Shastron ke anusar deepak se deepak jalana daridrata (poverty) ko aamantrit karta hai aur ise ashubh mana jata hai. Hamesha machis ya alag se kapoor/jaiphal ki madad se hi deepak jalayein.

6. Puja Me Charnamrit Aur Jal Ka Anuchit Upayog Ghar ke mandir me rakhe jal patra ko daily badalna chahiye. Purana jal paudhon me daal dein aur roj taaza jal bharein. Iske sath hi charnamrit ko hamesha daahine haath (right hand) se grahan karein aur charnamrit lene ke baad haath ko apne sir par na ponchhein, kyunki isse aachman ki shuddhata samapt ho jaati hai.

7. Aarti Aur Mantra Jaap Me Jaldbaazi Karna (Rushing the Rituals) Puja hamesha shant mann aur poori shraddha ke sath karni chahiye. Jaldbaazi me aarti gungunana ya galat mantra uccharan karne se puja ka punya fal nahi milta. Agar aapke paas samay kam hai, toh bada anushthan karne ke bajaye do line ki aarti aur saral namaskar mantra ka uccharan kar sakte hain.

Ghar Ke Mandir Ke Liye Kuch Vishesh Vastu Tips

• Ghar ka mandir hamesha Ishan Kon (North-East) me hi hona chahiye.
• Mandir ke andar ek hi devta ki do se zyada murtiyan na rakhein.
• Shivalinga ka akar ghar ke mandir me anguthe (thumb) ke barabar hona chahiye, usse bada nahi.
• Mandir ke aaspas safai ka vishesh dhyan rakhein aur wahan chamde (leather) ke item na rakhein.

In choti-choti baaton ka dhyan rakhkar aap apni daily puja ko poori tarah vaidik aur faldayi bana sakte hain. Apne ghar par kisi bhi prakar ki vishesh puja ya anushthan ke liye certified pandit ji book karne ke liye humse sampark karein!